Direcţiili a political’ei externi româneşti

Fanicolu di la redacţia a săptămânalui francez “Charlie Hebdo”, loarea ostatit şi execuţiile dit una ducheani uvrieasca pariziana u şocara dun’eaua tuta. Dupu una stămână di la aesti evenimenti traghiti, comparabili cu atentatili teroristii di la 11 di yismaciuni 2001, oamin’l’i politit caftă nai cearei tra s-nu s-faca diznau ahtari fanicadz. Tru nascanti vasilii, s-loara, meatri excepţionali. România nu ş-alaxi politica di securitati, ama easti solidară cu tuti vasiliili ti alumta contra a aistui flagel, asi cum declară, la Radio România, ministurlu di Externi, Bogdan Aurescu:

Valentin Țigău, 14.01.2015, 14:17

Fanicolu di la redacţia a săptămânalui francez “Charlie Hebdo”, loarea ostatit şi execuţiile dit una ducheani uvrieasca pariziana u şocara dun’eaua tuta. Dupu una stămână di la aesti evenimenti traghiti, comparabili cu atentatili teroristii di la 11 di yismaciuni 2001, oamin’l’i politit caftă nai cearei tra s-nu s-faca diznau ahtari fanicadz. Tru nascanti vasilii, s-loara, meatri excepţionali. România nu ş-alaxi politica di securitati, ama easti solidară cu tuti vasiliili ti alumta contra a aistui flagel, asi cum declară, la Radio România, ministurlu di Externi, Bogdan Aurescu:

‘Noi condamnam una s-una şi multu ayon’a aestu evenimentu traghic, ti furn’ia că, dit videala ali Românie, nitiun actu teroristu nu easti justificabil. Cu ahât ma multu atumtea cându aestu actu teroristu mutreasti libirtatea di expresie. Şi una dit consecinţili a aistei catastisi easti, după minduearea a mea, ananghisearea ti darea sila a lucurlui deadun internaţional tra combaterea-a terorismului’.

Tu 19 di yinar, miniştarl’i di Externe dit UE va sa zburasca, Bruxelles, problema ti combaterea a terorismului, sum tuti turliili. Ari cabilea ca meatrili ti va s-hiba apufusiti s-mutreasca un control ma salami tru spaţiul Schengen, la cari România cafta tra s-hiba aprucheata. Şefu a diplomaţiil’ei români spuni că aesti meatri nu lipseaşti, ama, s-aducă zn’ie tra libirtatea di urdinari la nivelul UE. Bogdan Aurescu:

‘România easti hazari s-faca aesta gaereti, aca nu easti nica un membru a spaţiului Schengen, ti furn’ia că, pan tru soni, România ari purtaticlu idyea cata cum un stat Schengen di facto’.

Di altă parti, spuni ministurlu, tra România easti idyealui di simasie securitatea la sinurli a l’ei, tru contextul a polimlui dit Ucraina. Tru aestu contextu, politica externă ali Românie ari tru scupo promovarea a ligaturlor diplomatiti vartoasi şi a parteneriatilor politico-militare cari să-l’i asiguripseasca securitatea pi lungu chiro. Caracterizândalui, tru scurti zboara, la Radio România, actuala politică externă a Bucureştiului, ministurlu Bogdan Aurescu spusi:

Politica externă a Românil’ei ari obiective di consensu naţional şi nu minduescu că poati s-hiba zborlu tra alaxeri a elementilor directoare a political’ei externa ali Românie: harea di membru ali UE, harea di aliat al NATO, Parteneriatlu strategic cu SUA, Parteneriatlu strategic tra integrari europeană cu Rep Moldova. Tuti aesti suntu constanti a political’ei externi româneşti.

Tu ligatura cu Parteneriatul strategic cu SUA, ministurlu român spusi că, anlu aestu, baza antirachetă di Deveselu (sud) va s-agiuga opearaţională, yinitoarea jgl’ioata hiindalui integrarea a lui tru sistemlu NATO antirachetă.

Armanipsearea: Tascu Lala