Declaraţii după andamasea trã Ucraina di Londra
Asiguripserli di securitate nu suntu maş trã Ucraina, ama trã tutã Arãdãrikea ditu Apiritã, luyurseaşti prezidentulu interimaru ali Românie.
Tașcu Lala, 03.03.2025, 11:06
Prezidentulu interimaru ali Românie, Ilie Bolojan, spuni că asiguripserli di securitate ţi va-lli si da ali Ucrainã va s’hibã, neise, ti tutã Arãdãrikea ditu Apiritã, di la Baltică pânu di Amarea Lae’. El cundille, dumãnică, tu bitisita-a summitlui informalu a liderloru di Londra, că andamasea avu tu scupo simfunizarea unu-alantu, ndridzerli a Consiliului European ditu 6 di marţu şi ti unã andamasi, tu 7 di marţu, cu liderlli a vãsiliiloru cari nu facu parti ditu Uniunea Europeană ama cari spunu vrearea ti unã cearei a polimlui ditu Ucraina cari s’da unã irine sigura.
S-agiumsi pi akicãsearea că asiguripserli di securitati cari pot s’hibã dati ti Ucraina nu potu s’hibã asiguripsiti ma s’nu aibã unu agiutoru di partea ali SUA. Tru aestã noimã, ti duţearea ma largu a parteneriatlui transatlanticu va s’cilãstiseascã ti unu planu comunu aţea turlie cã asiguripserli di securitate s’hibã asiguripsiti emu cu unã minteari mari a vãsiliiloru europeani, ama şi pi thimelliu a unlui agiutoru ali SUA ţi poati s’lu asigurispeascã, spusi Bolojan tu unã declaraţie di presă.
Uidisitu cu spusa a caplui interimaru a cratlui român, liderlli andãmusiţ Londra s’akicãsirã tã s’da ma largu agiutorlu financiaru şi militaru trã Ucraina. Tutunãoarã, aeşţã s’akicãsirã tru ligătură cu ndridzearea-a vãsiliiloru europeani aţea turlie cã aestea “ s’aibã unã fortumã ma mari ti irinea tru Europa’. Tru aestã noimã va s’aibã tu videalã criştearea-a bugetilor trã apărari tru yinitu, nica adãvgã Bolojan.
Tutunãoară, adăvgã, nãsu, trã vulusearea a unlui armistiţiu şi ti dãnãseari alumtili, cãtu cama ntrãoarã, ahurhearea diznãu a muabeţloru anamisa di Ucraina şi SUA va s’ndreagã ncllidearea cãtu cama ntrãoarã a ceamaunãllei şi va li dãnãseascã alumtili. Vãsiliili ţi eara dusi la andamasi s’akicãsirã ti hopa yinitoari, ta s’aibã muabeţ, a deapoa, pãnu di bitisita-a stãmãnãllei ţi yini, s’hibã vulusiti apofasi tu aestã noimã, cundille prezidentulu interimaru.
Autoru: Eugen Cojocariu
Armânipsearea: Taşcu Lala
