Cum poati s’llia silă campania di vacţinari?

Warning: Trying to access array offset on null in /home/web/rri.ro/public/wp-content/themes/rri/template-parts/content.php on line 98
Daniela Budu, 25.05.2021, 18:39

Premierlu român, Florin Cîțu, caftă ta s’da silă a lucărlui ti ayuñiusearea-a campaniillei di vacţinari aţea turlie că meatrili di hăbiniseari minduiti tră kirolu ţi yini s’poată s’hibă băgati tu practico cătu cama ntrăoară.

Numirlu a infectărloru năi şi a morţăloru di COVID-19 tru România armăni ma largu tu idyea scară dimi aţea ţi ñicureadză. Suntu aştiptati năi dozi di vacţinuri, a deapoa guvernul di București faţi isapi ta s’curmă alti restricţii, programati ti la 1 di cirişaru.

Tru aestu kiro, premierlu Florin Cîțu caftă cearei tra s’crească ritmolu di vacţinari, tru kirolu anda aestu agiundzi s’hibă tutu cama slabu, aproapea giumitati andicra di maximlu di ună sută di ñilli ş-cama di vacţinări nreghistrati tru 24-li săhăţ ditu soni. Caplu a guvernului lă căftă a prefecțăloru s-yină cu cearei maxusu pritu hori și cundilleadză că easti ananghi ta s’dişcllidă ma multi ţentri di vacţinari tru aeroporturi și tru locărli di triţeari a sinurloru.

“Easti di mari simasie s’duţemu ma largu aţea ţi avu hăiri, dimecu andridzeri ti maratoani ti vacţinari tru căsăbadz și tu muniţipii. Tutunăoară, lipseaşti s-aduţemu vacţinlu ma aproapea di oamiñi, maxusu pritu locărli di pritu hori – declară primlu-ministuru.

Tu arada-a lui, coordonatorlu a campaniillei di vacţinari, Valeriu Gheorghiță, pripusi maratoani ti vacţinării pritu hori, tru cadurlu a curi să s-adună ma multi comuni iu nu ari ţentri di vacţinari dişcllisi. El lugurseaşti că easti ananghi di ună gaereti ma mari a yeaţărloru di familie.

“Tră comunitățli ñiţ, oamiňilli cari s’hărsescu di pistipseari tru comunitatea locală lipseaşti s’ndrupască cât ma multu campania di vacţinare, tra s’căndăsească cetățeañillii s’vaccineadză. Easti ananghi di cilăstăserli a tutăloru tra s’azvindzemu!” – spusi Valeriu Gheorghiță.

A deapoa, yeaturlu Alexandru Rafila, reprezentantulu a Româniillei la Organizaţia Mondială a Sănătatillei, declară că vacţinarea ari ananghi di năi călliuri di comunicari şi di căndăsearea-a oamiñiloru, maxusu la hoară. El adăvgă că ari căbilea ta s-yină diznău catastisea cu sţenariulu ţi eara anlu ţi tricu, cându tru chirolu di veara scădzură cabaia multu cazurli di COVID-19 şi nu excludi ună nauă dalgă a pandemiillei ahurhindalui cu kirolu di toamnă, ama ma puţăn di itia a vacţinarillei tru arada-a bănătorloru.

Tu arada-a lui, ministurlu di Interne, Lucian Bodi, spuni că turnarea diznău la normalitati ţăni di hăirlătica-a campaniillei di vacţinari: “Tru aestu kiro nu lipseaşti s’alătusimu. Lipseaşti ma largu s-avemu ngătanu di itia că ma multă relaxari yini unăoară cu tiñisearea-a meatriloru di aviglleari sanitară ţi suntu tu lucru tu aestu kiro şi cu un numiru câtu cama mari di cetăţeañi vaccinaţ”, cundille ministurlu.

Ditu opoziție, PSD caftă “alăxearea pănu di mardzină” a strateghiillei di vacţinari anti-COVID-19, avândalui tu videală că, uidisitu cu suţial-dimocrațlli, Guvernul “lli-ascăpă ditu mănă tuţ scupadzlli” ţi ş-lli-avea pripusă tu ahurhită.

“Isăkili ufiţiali spunu că scupolu ti vacţinari nai cama pţănu 5 miliuñi di bănători până la 1 di cirişaru numata poati s’hibă agiumtu, aţea ţi spuni că nu poati s-agiungă pi un livelu di imunizari di 70% ditu populaţie până tu bitisita-a meslui yismăciuni, aşi cum ş-avea loată borgi premierlu Florin Cîţu”, cundilleadză PSD.

Până tora, fură vacţinaţ tru România aproapea 4,2 miliuňi di oamiňi, nai cama mulţă cu dauli dozi.

Autor:Daniela Budu

Armânipsearea: Taşcu Lala