Andamasi trã apărari
Statili Uniti nu va lu-alasã NATO – da asiguripseri secretarlu american di Stat, Marco Rubio.
Tașcu Lala, 04.04.2025, 20:10
Nibunillea internaţională ti aalãsarea nanãparti ali NATO di cătrã SUA nu easti ntimilleată – lã dimãndã, gioi, secretarlu american di Stat Marco Rubio, Bruxelles, a miniştrilor di Externe ditu craturli membri ali Alianţã Nord-Atlanticã. Ama – adãvgã ufitialu di Washington – aliaţll lipseaşti s’ahãrdzeascã, ti un vade tiñisitu, 5% ditu Produslu Internu Brut a craturloru a lor trã Apărari.
Uidisitu cu demnitarlu american, anda llea parti ti prota oarã la unã ahtari andamasi ministerială a NATO, creaştirea-a bugetului Apărarillei easti ntimilleatã cu ananghea ti apărare a teritoriilor aliati şi ta s’talle iţi nkisitã di fuvirseari contra-a vãrnui cratu NATO. Emu, tu aestã catandisi, secretarlu gheneralu al Alianțã, Mark Rutte, yini cu minduita că 3,5% lipseaşti s’hibã prota jgllioatã ti di veară, la summit-ul Alianţãllei di Haga.
Stresu ligat di aestu subiectu, tut Bruxelles s’ţãnu şi andamasea a Consiliul NATO-Ucraina, furñie ti aliaț, nãpoi sã spunã, cã va s’da tutu agiutorlu ţi easti di cãuli ti Kievu tra ş-anvãrtuseadzã poziţia dinintea ali Rusie aputrusitoari şi tra s’amintã unã irine sãnãtoasã.
Ti pregătirea trã Apărare și ti agiutorlu trã Ucraina datu di statili membri aestã aradã ali Uniuni Europeanã sã zburã şi Varşovia, tru cadurlu a unei andamasi informalã a miniştrilor Apărarillei ditu bloclu comunitar, la cari România eara reprezentată di ministurlu Angel Tîlvăr.
Tru cadurlu a sesiunillei ahãrdzitu ti Apărarea europeanã, ministrul Tîlvăr hiritisi publicarea, tru 19 di marţu, a Cartãllei Albã mutrinda pregătirea europeană trã apărari 2030, nica şi ali iniţiativã ReArm Europe.
„România spuni sinferlu trã anvãrtuşearea a bazãllei industrialã şi tehnologhicã europeanã, cari s’hibã axi s’da apandisi ti provocărli actuali şi yiniitoare, nica şi cu andrupãmintu pritu agiutorlu a hãlãţloru existenti şi pritu nãi mecanisme, cum suntu instrumentuul SAFE – Security Action for Europe, ditu cadurlu ReArm Europe”– spusi Angel Tîlvăr.
El cundille trã unã dizvultare industrială şi tehnologhică tru domeniul Apărarillei echilibrată ditu videala gheograficã, trã agiutoru dat ntreprindirloru ñiţ şi di mesi, ca sturi ali competitivitati, ama și trã unã coordonare a gaereţlor europene şi ali NATO, trã complementaritate şi coerenţă strateghică.
La sesiunea di lucru ahãrdzitã ti Ucraina, miniştrilli ali Apărari spusirã minduita ti andruparea mutrinda unã irini durabilă tru cratlu vţinu cu România. Fu yilipsitã, contribuţia Bucureștiului la Misiunea di Asistenţă Militară a Uniunilleii Europeanã ti agiutorlu trã Ucraina (EUMAM UA).
Autoru: Roxana Vasile
Armânipsearea: Taşcu Lala
