Anamisa di Cârciun şi Anlu Nău

Tru România, iu, simfun cu atea dit soni catagrafie, 98 tru sutâ dit bânâtori sâ spunea criştin’i, Cârciunlu easti, deadun cu Paştili, nai cama importantulu evenimentu religihos a anlui. Easti unâ sârbâtoari a fumeaiil’ei cându, adunaţ anvârliga di bradlu armâtusitu, oamin’il’I ş-fac dhoarâ un alantu şi s-hârsescu di oarili ţi li trec deadun la measa ţi aşi cum easti adetea s-bagâ mâcări dit carni di porcu, cuzunaţ şi yimişi. Di Cârciun, parei di colindâtori hâbârisescu amintarea a Hristolui, tru len turlii di adeţ dit patrimoniul cultural universal. Mulţâ român’i li ufilisirâ aţeali dauâ dzâli adye tra s-urdinâ tru locuri tu cari deadi neauâ, alinândalui, ti exemplu, la cama di 2000 di meatri, tru Carpaţil’i Meridionali iu, la Bâlea-Lac, easti hotelu gol di gl’eţu dit vâsilie.

Valentin Țigău, 27.12.2013, 11:56

Tru România, iu, simfun cu atea dit soni catagrafie, 98 tru sutâ dit bânâtori sâ spunea criştin’i, Cârciunlu easti, deadun cu Paştili, nai cama importantulu evenimentu religihos a anlui. Easti unâ sârbâtoari a fumeaiil’ei cându, adunaţ anvârliga di bradlu armâtusitu, oamin’il’I ş-fac dhoarâ un alantu şi s-hârsescu di oarili ţi li trec deadun la measa ţi aşi cum easti adetea s-bagâ mâcări dit carni di porcu, cuzunaţ şi yimişi. Di Cârciun, parei di colindâtori hâbârisescu amintarea a Hristolui, tru len turlii di adeţ dit patrimoniul cultural universal. Mulţâ român’i li ufilisirâ aţeali dauâ dzâli adye tra s-urdinâ tru locuri tu cari deadi neauâ, alinândalui, ti exemplu, la cama di 2000 di meatri, tru Carpaţil’i Meridionali iu, la Bâlea-Lac, easti hotelu gol di gl’eţu dit vâsilie.

Anlu aestu, hotelu fu adrat tu urnechea baroc si yilipseaşti personalităţ a epocâl’ei – Voltaire, Moliere, Maria-Antoaneta, Bruckenthal. Mulţâ embistimen’I eara duşi la liturghia di Cârciun ţânutâ la catedrala a Patriarhiil’ei Ortodoxe Români icâ la catedrala Mitropoliil’ei Catoliţi di Bucuresti. Patriarhul Daniel, a BOR âl’I cândâsi român’il’i s-nu ş-chearâ avearea sufliteascâ a pistil’ei şi a filotimiil’ei iara mitropolitlu romano-catolic Ioan Robu âl’I plâcârsi s-mindueascâ la grita a Dumidzălui. Tru a daua dzuuă a Cârciunlui embistimen’li ortodocsi eara cl’imaţ ta s-l’ia parti la sârbatoarea a soborlui a Stâ Mâriil’ei şi a Sâmtului Nicodim, la mânâstirlu Tismana (sud-vest). Tismana easti un di nai cama vecl’ili locări monastiţi adrati pi teritoriul ali Romaniei (sec al XIV-lea) dupâ criştinarea a bânâtorlor dit aesti locuri di cătră apostalu Andrei. Nica şi tră militarl’ii român’i aflaţ tru misiuni internationale di ţâneari ali irini, Cârciunlu avu semnificaţia traditionala, acâ mâyia a sârbâtoaril’ei fu bânatâ tu conditii speţifiţi di cătră aţel’I aproapea 1200 di militari aflat tru Afganistan, tru Bosnia-Hertegovina, tru Kosovo ică pi continentul african.

Nai ma lun’inoasa sârbâtoare a criştinâtatil’ei fu idyealui, unâ furn’ie tra s-pitreacâ mesaje a naţiunil’i tră prezidentul ali Românie, Traian Basescu, cari lâ ură a compatrioţilor s-hibâ ma buni şi să s-mindueascâ ma multu la atel’I di ningâ el’I, maxus la atel’I ţi au ananghi di compasiune şi solidaritate. Un mesaj ti darea curayiu pitricut a român’ilor, nica şi a aţilor dit provincia istorică Basarabia si dit tutâ lumea vini ş-di partea vâsil’elui pi ilikia nai cama marea dit Europă, vâsil’elu Mihai ali Românie, tu chirolu di ma ninti. El lâ oarâ a aiştor sârbatori cu harauuă, irin’e sufliteasca şi furn’ie ti pirifânseari ca român’i.

Textul: Valentin Tigău

Armânipsearea: Taşcu Lala