Alidzerli prezidenţiali dit România, tru linie dreaptă

Competiţia tra funcţia supremă tru statlu român nu mata s-aduti cu disputili electorale dit chirolu di ma ninti, cari avea idyea miză. Anvergura politică a candidaţlor easti alta, iara crititl’i vrea sa spuna că una comparaţie easti orlea zorlea favorabilă tra atel’I di aieri, s-hiba ca va s-acatam tru isapi masi ca exemplu confruntărli anamisa di Ion Iliescu şi Emil Constantinescu ica atea anamisa di Adrian Năstase şi Traian Băsescu, aestu dit soni nica pi ipotisi. Şi di aesta furn’ie, scrutinlu prezidenţial di anlu aestu easti alargu tra s-aduca ampuliseri pan di mardzina. Deapoa, ari tuti şansili ca una confruntari directă anamisa Victor Ponta şi Klaus Iohannis s-nu s-tana. Pareili di campanie nu agiumsira la un compromis tru ligatura cu nicuchira a unal’ei ahtari dezbateri şi sa stipsescu una alanta ti niapruchearea tra s-yina la una confruntari un dinintea a alantui. Chipita a nibuniil’ei, scutea tru videala un comentator, s-fati, tora dezbateri, nu ti proiectul di vasilie a unlui ica a alantui dit arada a candidaţlor, ca s-fati una dezbateri işis.

Ştefan Stoica, 10.11.2014, 12:32

Competiţia tra funcţia supremă tru statlu român nu mata s-aduti cu disputili electorale dit chirolu di ma ninti, cari avea idyea miză. Anvergura politică a candidaţlor easti alta, iara crititl’i vrea sa spuna că una comparaţie easti orlea zorlea favorabilă tra atel’I di aieri, s-hiba ca va s-acatam tru isapi masi ca exemplu confruntărli anamisa di Ion Iliescu şi Emil Constantinescu ica atea anamisa di Adrian Năstase şi Traian Băsescu, aestu dit soni nica pi ipotisi. Şi di aesta furn’ie, scrutinlu prezidenţial di anlu aestu easti alargu tra s-aduca ampuliseri pan di mardzina. Deapoa, ari tuti şansili ca una confruntari directă anamisa Victor Ponta şi Klaus Iohannis s-nu s-tana. Pareili di campanie nu agiumsira la un compromis tru ligatura cu nicuchira a unal’ei ahtari dezbateri şi sa stipsescu una alanta ti niapruchearea tra s-yina la una confruntari un dinintea a alantui. Chipita a nibuniil’ei, scutea tru videala un comentator, s-fati, tora dezbateri, nu ti proiectul di vasilie a unlui ica a alantui dit arada a candidaţlor, ca s-fati una dezbateri işis.

Una altă temă cari u minti campania electorală isi tru migdani după protlu tur di scrutin, di furn’ia a problemilor organizatoriti cari al’i nchidicara pi mulţa dit arada a român’ilor tsi suntu tru xinatati tra s-voteadza. Niifharistusearea vini, prota s-prota tru amprotusa, dit protedurli multu greali şi a numirlui n’ic di secţii di vot şi adusi protesti em tru vasilie em tru casabadzl’i europen’i. Campania tra turul doi ari, ama, şi caracteristit cari ţan di tipiclu a banal’ei politica româneasca. Aoa suntu acatati tru isapi stepsurli fără anvaleari şi atacurli ti li nchisira pi una turlie nicenzurată taburli a atilor doi candidaţ. Ti exemplu, tra Klaus Iohannis, etnic ghirman dit Transilvania, stânga nchisi ideea că ari tru plan aspardzearea ica ampartarea a vasiliil’ei — una turlie di stipseari ti fatea parti dit arsenalu electoral a an’ilor ’90.

Di partea a l’ei, dreapta lu spuni cu dzeaditlu pi Victor Ponta şi dzati că va li creasca taxile şi va u baga diznau impozitarea progresivă dit 2015. Gesturli goali cari ţan di normalitatea a unal’ei alumta cu miză mari suntu alianţili timil’iusiti ad hoc, ti au scupolu s-creasca şansili di succes. Aoa, candidaţl’ii lucrara cafi un cu mintea a lui. Premierlu Ponta, candidat di partea a alianţal’ei PSD — UNPR — PC, aminta şi andruparea a ma multor aspiranţa ti işira dit antriteari. Dit arada a aistor – fostul premier liberal Calin Popescu Tariceanu, doi exponenta a curentului populistu, Corneliu Vadim Tudor si Dan Diaconescu, si fostul director di la SIE, Teodor Meleşcanu.

Candidat ali Alianţa Criştin Liberala, Klaus Iohannis aleapsi s-nu faca tranzacţie cu voturli. Nica şi aşi, ateali dauă doamni cari candidara la prezidentil’e, tut di cata dreapta, fostul ministru ali justiţie Monica Macovei şi liderlu a PMP (opozitie, pro-prezidential), Elena Udrea, caftra a electoratlui s-voteadza contra al Ponta. Neise, UDMR (la co-guvernari) ş-candasi susţinătorl’i s-voteadza dupu mintea a lor. varnu dit atel’i cari declarara andrupamintul tra un candidat ica ti alantu nu poati s-da la cl’eaie voturli amintati tru protlu tur. Tru aesti condiţii, cl’eaia a turlui doi poati s-hiba tru candasearea a atilor niapufusit.

Armanipsearea: Tascu Lala