A dzatea dzuua di protesti tru Romania (09.02.2017)

Ndaua suti di oamini suntu la Palatea Cotroceni iu cafta demisia a prezidentului Iohannis și andrupascu tra guvenul PSD-ALDE.

Tașcu Lala, 10.02.2017, 10:43

Ministurlu ali Justiție, Florin Iordache, ș-dimanda demisia, ama protestili contra a OUG nr 13 și a guvernului Grindeanu s-duc ma largu. Nili di oamini suntu tru Piața ali Victorie di București, Cluj, Sibiu, Timișoara și alta casabad dit vasilie. Protestatarlii cafta demisia a Guvernului și a prezidentalor a Senatlui și a Cameralei a Deputațlor. Nghios Grindeanu, Dragnea și Tăriceanu”,“Rezistu”, “Cathi dzuua aoa va s-him” suntu ndaua di lozincile a geadeiilei.

Ndaua suti di oamini suntu la Palatea Cotroceni iu cafta demisia a prezidentului Iohannis și andrupascu tra guvenul PSD-ALDE.

Pirmitusearea a OUG nr. 13 s-duti ma largu

Curtea Constituțională nu apruke, gio, sesizarea a Avocatlui a Popului, Victor Ciorbea, mutrindalui ordonanţa di urgenţă ti alaxearea a Codurlor penale (OUG nr. 13). Sesizarea agiumsi inadmisbiliă cate ordonanţa numata easti pi lucru, hiindalui abrogată di guvernu prit OUG nr 14, exighisi prezidentul a CCR, Valer Dorneanu.

Parlamentul ari, tru arada a lui, un zbor ti spuneari tu ti mutreasti ateali dauă ordonanți. Demnitarlii va sa zburasca stămâna ti yini ti ateali dauă ordonanțe și va s-voteadza nomlu prit cari s-abrogă OUG nr.13.

Armanipsearea: Tascu Lala