România şi energia nucleară

Dauă năi unităț va shibă dizvultate la Centrala nuclear-electrică di Cernavodă.

Warning: Trying to access array offset on null in /home/web/rri.ro/public/wp-content/themes/rri/template-parts/content.php on line 98
Leyla Cheamil, 15.03.2023, 13:21

Camera-a Deputațlor di București vulusi, tru haria di for decizional, proiectul di nom mutrinda simnaria Acordului di ndrupămintu anamisa di statul român şi Societatea Naţională Nuclearilectrica tră proiectul Unităţlor 3 şi 4 di la Centrala nuclear-electrică di Cernavodă. Nuclearilectrica ari un rol major la nivel național, cu un contributu di pisti 18% la producţia totală di energie şi cu 33% la producţia totală di energie fără CO2 ditu România. Easti ufilisită tehnologia canadiană CANDU 6, pi thimelliu di uraniu natural cu rol di combustibil și apă greauă ca moderator și rol di arăţeari. Scupolu acordului adoptat di deputațllii români easti atelu tra s’ndreagă turliili efectivi di cooperari anamisa di părţă, pritu stabilirea a născăntoru angajamente şi obligaţii a statlui român mutrinda asigurarea a misurlor ti suntu ananghi ti finanţarea a proiectului, implementarea şi adoptarea a misurlor di andrupari, inclusiv misuri di turlie legislativă.

Simfunu cu datili publicati pi site-ul Nuclearilectrica, proiectul a Unităţlor CANDU 3 şi 4 CNE Cernavodă easti pruvidzutu tru Proiectul di Strategie Energetică ali Românie 2019-2030 cu perspectiva anlui 2050. Tutunăoară, easti pruvidzutu tru Planlu Naţional Integrat tru domeniul ali Energie şi Alăxerloru Climatiţi, ca sturu ali independinţă energetică ali Românie şi băgarea tu lucru scupadzlli mutrinda dicarbonizarea asumată di România tru harea di stat membru ali Uniuni Europeană.

Adoptarea aluştui nom fu salutat di ministrul ali Energie, Virgil Popescu. Aestu cundille că Unitatea 3 va s’intra tru exploatari tu inşita-a anului 2030, iar Unitatea 4 tru anul 2031. Pritu băgarea tu lucru a aluştui nom, va s’hibă asiguripsiti independenţa şi securitatea energetică ali Românie, cundille Virgil Popescu. Pritu implementaria proiectului, contribuţia ali energie nucleară tru totalu a producţiillei di energie, la nivel naţional, va s’hibă di 36%, iara contribuţia energiillei nucleari tru totalu a producţiillei di energie fără emisii di CO2, di 66%, simultan cu dizvultarea a şingirlui intern di aprovizionari şi a alăntor industrii colatearali.

„Energia nucleară, hăirlătică, kiskină va s’facă ditu România un exemplu la nivel regional, ama şi global, pritu ma multi parteneriati suport asociate proiectelor majore di investiţiiˮ, cundille directorlu general ali Nuclearelectrica, Cosmin Ghiță. Naetea a statului român şi a Societatillei Națională Nuclearilectrica, tru simfunie cu naua strategie, easti ta s’ndreagă aestu proiect tru un consorţiu euro-atlantic pi thimellilu a Acordului anamisa di Guvernul României şi aţelu a Statilor Unite ali Americă mutrinda cooperarea tru ligătură cu proiectele nuclearo-energetice di la Cernavodă şi tru sectorul energiillei nucleari ţivile ditu România, parafat tru sumedru 2020 la Washington DC. Ti spuneari că ari sinferlu a Statilor Unite tră finanţari proiectele energetice româneşti, inclusiv nucleari, cu 7 miliardi di dolari.

Autoru: Leyla Cheamil

Armânipsearia: Taşcu Lala