Parteneriat strategic româno – nipon

Prezidentulu ali Românie, Klaus Iohannis, faţi ună vizită oficială tru Japonia, tru cadrul a curi va shibă simnată Declaraţia de instituire a Parteneriatlui Strategic.

Warning: Trying to access array offset on null in /home/web/rri.ro/public/wp-content/themes/rri/template-parts/content.php on line 98
Leyla Cheamil, 06.03.2023, 18:53

București și Tokyo spusiră vreari ti ligături bilaterale ma streasi, iara, di marță, eali va shibă adusi pi nivel de parteneriat strategic. Dimi, aestu easti scupolu a vizităllei oficială di trei dzăli pi cari șeflu a statlui român, Klaus Iohannis, u faţi tru arhipeleaglu nipon. Marță, liderul di București va s’hibă aştiptatu di amirălu ali Japoniei, Naruhito, şi va s’andămusească cu premierul Fumio Kishida, cu cari va s’vulusească Declaraţia comună di băgari tru lucru a parteneriatlui strategic anamisa di aţeali dauă văsilii.

Şeflu a statlui român avea dimăndată, la andamusea di cafi anu cu şefii a misiunilor diplomatiţi acreditaţ tru România, cari s’ţănu tru ahurhita a anlui, că ligăturli cu Japonia va s’hibă adusi pi aestu livelu tru 2023. Simnarea a documentului ncllidi un lărguriu proţesu di consultări şi negocieri, la ţinţi ani di la adoptarea apofasillei di lansare, tru cadrul a dialoglui anamisa di prezidentulu ali Românie, Klaus Iohannis, şi llirtatlu premier Shinzo Abe.

Aestu easti doileu parteneriat strategic simnatu cu un stat asiatic, după aţelu cu Coreea de Sud. Instituirea Parteneriatului Strategic cu Japonia va s’nsimneadză, aşi, niintarea a cooperarillei româno-japoneze la nai ma analtulu nivel şi treaţirea la ună etapă superioară de valorificari a potenţialui bilateral, pi thimellilu a valorilor şi a prinţipiilor ambărţitati di aţeali dauă văsilii. Simnarea aluştui documentu important nsimneadză avansarea cooperarillei româno-japoneze pi ma multe paliere. Easti zborlu ti politica externă şi dialogul pi teme di securitate, asistenţa tră dezvoltare, neise ti colaborarea tru domeniile culturăllei, ştiinţălleei şi tehnologiillei, inovarillei, cercetarillei şi dezvoltarillei.

Vizita a prezidentului Klaus Iohannis ari şi ună vărtoasă dimensiune economică, Japonia hiinda nai ma mari investitor asiatic tru România. Ti spuneari că aţeali aproapea 400 di societăţi comerciale cu capital japonez ditu văsilie scoati tu videală, tru aestu kiro, cama di 40.000 di locuri di lucru. Potenţialu di creastire easti di simasie, nica şi tru domeniile cu nai ma analtu livelu di inovaţie, cum dezvoltarea tehnologiillei di turlie reactoare modulari ñiţ, adrarea şi distribuţia di hidrogen veardi, producţia di optică de mari puteari, infrastructura a bărnului ditu soni ică bitisearea a magistralăllei M6 a metroului di Bucureşti.

Ditu aestă videală, vizita prezidentului ali Românie va s’aibă ună vărtoasă dimensiune economică şi ti ligături streasi ti investiţii şi a cooperari tru materie de inovaţie tehnologică, ma multu andicra di dimensiunea politică şi ti aţea ali anvărtuşeari ti alăxerli culturali şi a ligăturloru interumane. Şeflu a statului roman, Klaus Iohannis, ari fută tru Japonia tru anlu 2019, cându lo parti la ţeremonia di băgari pi ipotisi a amirălui Naruhito.

Autoru: Leyla Cheamil

Armânipsearea: Taşcu Lala