Cooperare parlamentară România – Republica Moldova
România și Republica Moldova va sndreagă, ti prota oară, tu yinitlu aprukeatu, ună sesiune comună a Parlamentilor a lor.
Leyla Cheamil, 07.06.2022, 13:01
România și Republica Moldova au ună ligătură multu streasă, di itia a comunitatillei di limbă, istorie, cultură, tradiții. Aţeali dauă văsilii viţini va s’ndreagă, tră prota oară, ună sesiune comună a Parlamentelor a lor, tru yinitorlu aprukeatu, dimăndă prezidentulu a Legislativlui ditu Ripublica Moldova, Igor Grosu, după ună andamasi, Chişinău, cu Marcel Ciolacu, prezidentulu a Camerăllei a Deputaţlor di București. Igor Grosu cundille că s’hărseaşti maca prima andamasi comună a parlamentelor aţiloru dauă văsilii va s’ţănă Chişinău, aestu hiinda un semnu limbidu di andrupari tră actuala guvernare. El declară că ligăturli bilaterale sunt excelente, iara România easti nai ma bunlu partener economic şi soţlu nai ma aprukeatu tu ţi mutreaşti agiutorlu dat tră aderarea a Ripublicăllei Moldova la Uniunea Europeană.
Tu arada a lui, Marcel Ciolacu declară că Bucureștiul fu, daima, cu andrupari ti Chișinău şi năpoi lu spusi angajamentul a Româniillei ta s’agiută integrarea tru pareia comunitară. „Loclu a Ripublic4llei Moldova easti tru Uniunea Europeană. Nu ari altă cale di dizvoltare tră Republica Moldova neise maş intrarea tru Uniunea Europeanăˮ, spusi Marcel Ciolacu.
Tu ahurhita a meslui marţu, prezidinta aliştei văsilie, Maia Sandu, simnă căftarea di adirare, ună nkisită lugursită istoric, di itia că vini tru un contextu regional greu, di itia a aputrusearillei arusă tru Ucraina viţină și di criza arifugațlor ucraineni agiumţă și pi teritoriul a Ripublicăllei Moldova. Idyili căftări li feaţiră ma ninti, și Georgia și Ucraina.
„Pari că avem dininti un polimu pi lungu kiro, cari van ă zñiipsească la tuţ” spusi Marcel Ciolacu. El nica spusi că easti cadialihea că București și Chișinău lipseaşti să s’agiută ta s’năstreacă aesti crize economiţi şi cetăţeañillii lipseaşti s’hibă agiutaţ s’treacă aesttu kiro cât cama ayoñea şi lipseaşti s’hibă andrupăţ di ateali dauă guverne. Tru idyiulu kiro Camera a Diputaţlor di la București mindueaşti că statlu viţinu nu ari ananghi di agiutoru militar.
„Minduescu că Republica Moldova nu ari ananghi di un agiutoru militar, alliumtrea easti ananghi di securizarea a sinurloru, lucru hăirlăticu ti tută Europă şi, aoa, minduesc că easti ună zonă tru care România lipseaşti s’cil4stăsească nica ma multu diadunu cu Republica Moldova. Cadialihea, România easti un scut tră Republica Moldova şi aşi lipseaşti s’hibăˮ.
Marcel Ciolacu avu andamasi şi cu şefa a statlui, Maia Sandu, cari haristusi tră agiutorlu ţi lu da România, inclusiv tră agiutorul nirambursabil di 100.000.000 di euro, akicăsitu tru arada a andamasillei comuni a guvernelor di la Chişinău şi Bucureşti ditu şcurtu şi ateali 10.000.000 di euro dim4ndati la conferinţa di la Berlin ditu meslu apriiuru. Tutunăoară, după andamusea cu premierul Natalia Gavriliţa, Marcel Ciolacu dimăndă că România andrupaşti susto extindirea a asistenţăllei financiară a Uniunillei Europeană tră Republica Moldova.
Autoru: Leyla Cheamil
Armânipsearea: Taşcu Lala
