Adrat tu 1959 şi inaugurat tu 1961, Studioulu di conţerti „Mihail Jora” easti nai marea salâ di conţerti simfoniţi şi corali dit vâsâlii şi unica salâ di conţerti dit Românii cari yini cu posibilitatea ta s-hibâ adrati înregistrări digitali în direct.
Vidzutâ ca hiindaei nai ma buna salâ di conţert simfonic di Bucureşti, tu ţi mutreaşti acustica, Sala Radio, cum îi si mai dzâţi, fu renovatâ şi modernizatâ tora ayoniea. Lucrărili ahurhiti pi 5 di Augustu 2009 ţânurâ doi meşi, chiro tu cari fu îndreaptâ pardoseala, furâ adusi alti scamni ti public, furâ adrati locuri ti cărucioarili a persoanilor cu handicap şi fu îndreptu podiumlu ti orchestrâ. S-mutri ghini pâstrirea ali acusticâ, Studiolu Mihail Jora hiindalui pricânâscut ca sala di conţertu cu sinfunii di audiţii isa ti cathi un dintrâ aţeali 1000 di locuri.
Orga a Studioului Radio fu construitâ tu Cehoslovacia tu 1960 şi easti unâ dintrâ nai ma mărli dit Europa: ari 7600 di tuburi. Modernizarea ei s-feaţi tut în Cehia, la firma ţi u adră, cari u disfeaţi şi u bâgă nâpoi tu maşi îndoi meşi.
Studioulu di conţerti luă numa di Mihail Jora, compozitor şi dirijor român, membru titular ali Academii Române, dascăl şi rector ali Academii Regali di Muzicâ di Bucureşti. Înviţâ Leipzig şi Paris şi fu dascăl di compoziţii la Conservatorlu di Bucureşti. Printrâ lucrărli a lui s-află baleti, suiti, poemi simfoniţi şi lucrări di muzicâ di camerâ. Easti unlu dintrâ nai ma mărl’ii reprezentanţâ a liedului tu muzica româneascâ. Opera al Jora iasi tu migdani prit măiestria mutrinda interpretarea a elementilor melodiţi şi di ritmu, specifiţi a cânticlui popular. Uniunea a Criticilor Muzicali îi poartâ numa şi organizeadzâ cathi an Bucureşti "Concursul Naţional di Interpretari Muzicalâ Mihail Jora".
Pi scena a Studioului di Conţerti Mihail Jora cântarâ mări solişţâ dit lumi, ama şi orchestri cumândisiti di cei mai avdzâţâl’ii dirijori.
Dupi 1990, la Sala Radio s-ţânurâ şi conţerti dit cadrul a Festivalui Internaţional George Enescu şi a Festivalui a Orchestrilor Radio RadiRo.
Link-uri ti agiutor
Copyright © . All rights reserved