Posturli publiti regionali di radio sâ spun tu un şingiru ţi anvâlescu tut teritoriul a vâsiliil’ei. Ca parti integrantă a Societatil’ei Români di Radiodifuziune, posturli reghionali suntu lideri di audienţă şi s-hârsescu di p. Prit programil
Posturli publiti regionali di radio sâ spun tu un şingiru ţi anvâlescu tut teritoriul a vâsiliil’ei. Ca parti integrantă a Societatil’ei Români di Radiodifuziune, posturli reghionali suntu lideri di audienţă şi s-hârsescu di pistipseari. Prit programili a lor, studiourli reghionali suntu dişcl’isi ti spuneari actualitatea dit locârli anvâliti cu emisiun'i, hiindalui personalizati prit iholu işişi, prit grili di program speţifiţi inspirati dit rialităţli a comunităţlor urbani şi rurali ţi yinu tu agiutorlu a aiştor.
Radio Cluj easti un postu public di radio cari ari prot scupo hâbârisearea-a bânâtorlor ali Transilvanie. Tu 1985, unâoarâ cu sila ţi u avea loatâ dictatura comunistâ şi centralismul promovat di Nicolae Ceauşescu, emisia-a postuului Radio Cluj fu curmatâ. Radio Cluj ş-li ahuhri diznău emisiun’ili unâ ş-unâ după evenimentili dit Andreu 1989. Tu aestu kiro dimândâ hâbări, materiali dit actulitati, informaţie culturală şi suţialâ, muzică şi divertismentu. Actualităţli reprezintă nai cama di simasie "ingredientu" a grilâl’ei di program, şi aestâ ti furn’ia că radioulu easti nai cama cu iruşi mediu di hâbâriseari a oamin’ilor dit reghiuni tu atea ţi mutreaşti evenimentili cu caracter reghional. Radio Cluj ari tu mengâ nai cama multu hâbărli reghionali şi mutreaşti hâbărli nationali şi internationali tu ligâturâ cu sinferlu reghional. Radio Cluj ari emisiuni tu limba română şi tu limba maghiară. Tu aestu kiro Radio Cluj easti protlu canal reghional ali Radio România cari dimândâ nyie 24 di sâhăţ dit 24. Radio Cluj poate s-hibâ ascultat tu optu giudeţe dit Transilvania: (Alba, Cluj, Bistriţa-Năsăud, Bihor, Maramureş, Sălaj, Satu-Mare şi Sibiu) şi ari tu componenţă dauă staţii locali: Antena Sibiului şi Radio Sighet.
Link-uri ti agiutor
Copyright © . All rights reserved